Ungbarnasund Erlu

Sími: + 354 615-2121 – Netfang: [email protected] – Aðsetur Kennslu: Suðurbæjarlaug, Hringbraut 77, 220 Hafnarfjörður

Um Námskeiðin

Um Námskeiðin

Byrjendanámskeið er fyrir börn 3 mánaða og eldri. Heppilegasti aldurinn til að byrja í ungbarnasundi er 3-6 mánaða en það er að sjálfsögðu aldrei of seint að byrja. Framhaldsnámskeið I er fyrir börn 5-12 mánaða sem lokið hafa byrjendanámskeiði í ungbarnasundi. Framhaldsnámskeið II er fyrir börn 1-2 ára sem lokið hafa byrjendanámskeiði í ungbarnasundi.

Hvert námskeið er 6 vikur með skipulagðri dagskrá í sundlauginni þar sem góða skapið, brosið og stöðugt hrós eru lykilatriði. Ungbarnasund byggir á nánu sambandi foreldra og barns og þetta er því ekki síður námskeið fyrir foreldrana en börnin. Hvert námskeið er 8 vikur og kennt er einu sinni í viku, 35-40 mínútur í senn.

 

Sundlaugin
Námskeiðið fer fram í innilaug Suðurbæjarlaugar. (Hringbraut 77, Hafnarfirði). Hitastig laugarinnar er 34-36°C. Lofthiti er 25-30°C. Skiptiborð eru við innilaugina fyrir hvert barn.

Búnaður
Sundföt sem halda vel að lærum barnsins eða sundbleyjur. Tvö handklæði fyrir barnið. Mikilvægt er að hafa barnið mett og hafa með næringu, brjóst eða pela.

Heilsufar
Veikist barnið er gott að láta vita með því að senda sms eða tölvupóst til kennara eða í Facebook hóp: Ungbarnasund Erlu í Suðurbæjarlaug. Æskilegt er að hafa samband við lækni áður en komið er að nýju ef veikindi vara yfir í lengri tíma.

Aðrar upplýsingar
Ættingjum og vinum er velkomið að koma og horfa á sundtíma, sæti eru við laugina. Til þess að námskeiðið gangi vel fyrir sig er ekki er æskilegt að systkini yngri en 9 ára komi með ofan í laugina.

Verðskrá

Verðskrá

Byrjendanámskeið

13.990 kr. / Námskeið

• 3 mánaða og eldri
• 6 Vikna námskeið
• Kennt 1 sinni í viku

Sækja Um

Framhald I

13.990 kr. / Námskeið

• 5-12 mánaða
• 6 Vikna námskeið
• Kennt 1 sinni í viku

Sækja Um

Framhald II

12.990 kr. / Námskeið

• 8 mán-2 ára
• 6 Vikna námskeið
• Kennt 1 sinni í viku

Sækja Um

Einnig er í boði að kaupa gjafabréf og staka einkatíma hjá Ungbarnasundi Erlu, á kr. 13.990, vinsamlegast hafið samband á [email protected] fyrir nánari upplýsingar.

Foreldrar og aðrir aðstandendur þurfa að borga sig ofaní laugina skv. gjaldskrá.

 ATH. Frá og með 1.júní 2022 verður námskeiðsgjaldið á öll 6 vikna námskeið 13990kr

 

Æfingasafn

Æfingasafn

Hér eru æfingar sem þið getið nýtt ykkur sem undirbúning fyrir framhaldsnámskeið eða til þess að gera sjálf með börnunum í sundi:

Eftir Byrjendanámskeið

• Öll börn í sundi…
• Bíbí og blaka…
• Upp upp upp á fjall…
• Hoppa sagði refurinn…
• Allir krakkar…
• Dansi, dansi dúkkan mín…
• Einn lítill, tveir litlir..
• Elta leikföng
• Einnar- og tveggja handar bringutak
• Samlokutak
• Áttan

• Fljóta á bakinu-ýmsar æfingar
• Sigla á framhandleggjum
• Jafnvægi
• Standa á öxlum/bringu
• Hanga á bakka
• Sitja á bakka og synda eða kafa út í laug til foreldra
• Kafanir, að foreldrum, frá foreldrum, milli foreldra, höfrungaköfun o.fl.
• Dýna- liggja og sitja
• Litlu andarungarnir

Eftir Framhaldsnámskeið

• Öll börn í sundi…
• Bíbí og blaka…
• Epli og perur…
• Hoppa sagði refurinn…
• Allir krakkar…
• 10, 20, 30…
• Hanga á bakka og klifra upp
• Sitja á bakka og koma sjálf út í laug
• Björgunaræfing
• „Surfa“ á bretti
• Kasta boltum
• Höfrungaköfun
• Hanga á hringjum
• Kafa í gegnum hringi

• Ganga og skríða á dýnu
• Fötur/Könnur
• Jafnvægi- og snúningsplatti
• Synda með börn á baki
• Börn hoppa úr fangi foreldra
• Kútar: synda, afslöppun og sitja í.
• Rennibraut
• Skutla út í
• Hoppa saman út í
• Elta leikföng
• Kafa að leikfangi
• Grípa leikfang í kafi
• Allir krakkar busla

Söngtextar

Söngtextar

Öll börn í sundi.

Öll börn í sundi fara hring eftir hring x3,
Öll börn í sundi fara hring eftir hring,
út um alla sundlaug.

Öll börn í sundi fara út og að x3,
Öll börn í sundi fara út og að
út um alla sundlaug.

Öll börn í sundi fara niður og upp x3,
Öll börn í sundi fara niður og upp,
út um alla sundlaug.

Bí bí og blaka

Bí, bí og blaka,
álftirnar kvaka.
Ég læt sem ég sofi,
en samt mun ég vaka.

Allir krakkar

Allir krakkar, allir krakkar
eru í skessuleik.
Má ég ekki mamma,
með í leikinn þramma?
Mig langar svo, mig langar svo
að lyfta mér á kreik.

Um landið bruna bifreiðar

Um landið bruna bifreiðar, bifreiðar, bifreiðar,
með þeim við skulum fá oss far og ferðast hér og þar.
Ba-bú, ba-bú, tr-la-la-la-la-la-la,ba-bú, ba-bú, tra-la-la-la-la!

Um loftin fljúga flugvélar, flugvélar, flugvélar,
með þeim við skulum fá oss far og ferðast hér og þar.
Ba-bú…

Um höfin sigla skúturnar, skúturnar, skúturnar,
með þeim við skulum fá oss far og ferðast hér og þar.
Ba-bú…

Hoppa sagði refurinn

Hoppa sagði refurinn
og dansa sagði gæsin.
Svo hoppum við,
og dönsum við,
svo förum við í kaf

Litlu andarungarnir

Litlu andarungarnir
:,: allir synda vel. :,
: :,: Höfuð hneigja í djúpið
og hreyfa lítil stél. :,:

Litlu andarungarnir
:,: ætla út á haf :,:
:,: Fyrst í fjarlægð skima
og fara svo í kaf.:,:

Börnin frísk og fjörug
:,:fara öll í hring:,: :,:Hönd í hendi smella
og hoppa svo í hring:,:

Dansi, dansi dúkkan mín

Dansi, dansi dúkkan mín.
Dæmalaust er stúlkan fín.
Voða fallegt hrokkið hár,
hettan rauð og kjóllinn blár.
Svo er hún með silkiskó,
sokka hvíta eins og snjó.
Heldurðu’ ekki að hún sé fín?
Dansi, dansi dúkkan mín.

Fingurnir

Einn lítill,
tveir litlir,
þrír litlir fingur,
fjórir litlir,
fimm litlir,
sex litlir fingur,
sjö litlir,
átta litlir,
níu litlir fingur,
tíu litlir fingur á höndum.

Siggi var úti

Siggi var úti með ærnar í haga,
allar þær stukku suður í mó.
Smeykur um holtin var hann að vaga,
vissi’ hann að lágfóta dældirnar smó.
:,: Agg, gagg, gagg, sagði tófan á grjóti. :,:
Gráleitum augunum trúi ég hún gjóti.
Greyið hann Siggi, hann þorir ekki heim.

Göngum, göngum…

Göngum, göngum, göngum upp í gilið,
gljúfrabúann til að sjá.
Þar á klettasyllu svarti krummi
sínum börnum liggur hjá.

Upp, upp.Upp,

upp, upp á fjall,
upp á fjallsins brún.

Niður, niður, niður, niður,
alveg niður á tún.

Fiskalagið

Nú skulum við syngja um fiskana tvo.
sem ævi sína enduðu í netunum svo.
Þeir syntu og syntu og syntu um allt,
en mamma þeirra sagði: Vatnið er kalt!
Baba búbú baba bú. Baba búbú baba bú.
Þeir syntu og syntu og syntu út um allt
en mamma þeirra sagði: Vatnið er kalt!

Annar hét Gunnar og hinn hét Geir.
þeir voru pínulitlir, báðir tveir.
Þeir syntu og syntu og syntu um allt,
en mamma þeirra sagði: Vatnið er kalt!
Baba búbú baba bú. Baba búbú baba bú.
Þeir syntu og syntu og syntu út um allt
en mamma þeirra sagði: Vatnið er kalt!

Gamli Nói.

Gamli Nói, gamli Nói,
guðhræddur og vís,
mikilsháttar maður,
mörgum velviljaður.
Þótt hann drykki, þótt hann drykki,
þá samt bar hann prís.

Gamli Nói, gamli Nói,
keyrir kassabíl,
Hann kann ekki að stýra,
brýtur alla gíra.
Gamli Nói, Gamli Nói,
keyrir kassabíl.

Gamli Nói, gamli Nói,
keyrir brunabíl,
Hann kann ekki að sprauta,
gerir alla blauta.
Gamli Nói, Gamli Nói,
keyrir brunabíl.

Næstu námskeið

• Gleðilega hátið
  

  Gleðilega hátið kæru fylgjendur Ungbarnasunds Erlu.

  Á hverju ári styrkir Gleðistundir, styrktarsjóður Ungbarnasunds Erlu málefni sem tengist börnum og það er okkur sannur heiður að tilkynna að í ár, 2017, úthlutum við 150.000 kr til Styrktarsjóðs krabbameinsjúkra barna á Íslandi. http://www.skb.is/is/um-skb.

  Gleðistundir er styrktarsjóður Ungbarnasunds Erlu. Sjóðurinn var stofnaður í janúar 2011 af Erlu og Jónasi eiginmanni hennar. Hlutverk sjóðsins er að styðja við eða styrkja góð málefni sem tengjast börnum. Megin uppspretta þess fjármagns sem rennur í sjóðinn er frá iðkendum Ungbarnasunds Erlu þar sem að 250 kr af hverju námskeiðisgjaldi fara í sjóðinn.

  Árið 2011 fékk Downsfélagið á Íslandi

• Gleðilegt nýtt ár
  

  Gleðilega hátíð kæru vinir,

  Okkur hjónum er velferð barna sérlega hugleikin og þá sérstaklega þeirra barna sem heyja baráttu við erfiða sjúkdóma. Við vitum að peningar einir og sér lækna engin mein en þeir geta oft létt undir þar sem að það er oft kostnaðarsamt að leita lækninga auk þess sem tekjutap foreldra virðist einnig óhjákvæmilegt.

  Gleðistundir er styrktarsjóður Ungbarnasunds Erlu, stofnaður af Jónasi og Erlu árið 2011. Hlutverk sjóðsins er að styðja við eða styrkja góð málefni sem tengjast börnum. Megin uppspretta þess fjármagns sem rennur í sjóðinn eru frá iðkendum Ungbarnasunds Erlu því að 250 kr af hverju námskeiðisgjaldi

• Gleðistundir – úthlutun fyrir árið 2019
  

  Ungbarnasund Erlu óskar öllum gleðilegra jóla og þakkar kærlega þeim sem hjálpuðu Gleðistundum að gleðja í ár.

  Gleðistundir er styrktarsjóður Ungbarnasunds Erlu. Hlutverk sjóðsins er að styðja við eða styrkja málefni sem tengjast börnum. Sjóðurinn var stofnaður í janúar 2011 af Erlu og Jónasi eiginmanni hennar. Megin uppspretta þess fjármagns sem rennur í sjóðinn eru frá iðkendum Ungbarnasunds Erlu því að 250 kr af hverju námskeiðisgjaldi fara í hann. Á þessu ári safnaðist einnig fé í Reykjavíkur maraþoni og með frjálsum framlögum fyrir jól.

  Í ár, 2019 ákváðum við að styrkja tvö málefni um samtals 220.000 krónur. Hjálparstarf kirkjunnar og Einstök

• Gleðistundir- úthlutun fyrir árið 2013
  

  

  Okkur er sönn ánægja að veita Vökudeild þriðju úthlutun úr styrktarsjóðinum Gleðistundum. Eins og undanfarin ár er styrkurinn 100.000kr og er ætlaður til að styðja við málefni sem tengjast ungum börnum.

  Gleðistundir er styrktarsjóður Ungbarnasunds Erlu og Stundir.is. Hlutverk sjóðsins er að styðja við eða styrkja góð málefni sem tengjast börnum. Sjóðurinn var stofnaður í janúar 2011. Megin uppspretta þess fjármagns sem rennur í sjóðinn er frá iðkendum Ungbarnasunds Erlu því að 250 kr af hverju námskeiðisgjaldi fara í hann.

  Árið 2011

• Afhverju geta ungbörn kafað?
  

  Börn fæðast með viðbrögð sem eru þeim ósjálfráð fyrstu mánuðina og jafnvel árin. Eitt hinna

• Hvað þarf barnið mitt að vera gamalt til að hefja ungbarnasund?
  

  Til þess að byrja í ungbarnasundi þarf barnið að hafa náð 4 kg, vera orðið 8 vikna

• Hvenær er barnið orðið of gamalt til að fara í ungbarnasund.
  

  Aldrei!
  Eldri börn geta þurft aðeins lengri tíma til að aðlagast og venjast

• Hverjir eru kostir, tilgangur og markmið ungbarnasunds?
  

  Ungbarnasund er svo miklu meira en að fara í sund saman. Smám saman getur

Gleðistundir er styrktarsjóður Ungbarnasunds Erlu. Hlutverk sjóðsins er að styðja við eða styrkja góð málefni sem tengjast börnum. Sjóðurinn var stofnaður í janúar 2011. Megin uppspretta þess fjármagns sem rennur í sjóðinn eru frá iðkendum Ungbarnasunds Erlu því að 250 kr af hverju námskeiðisgjaldi fara í hann. Árið 2013 hlaut Vökudeild Barnaspítala Hringsins 100.000kr styrk.